सोलापूर जिल्हा मध्यवर्ती सहकारी बँकेच्या निवडणुकीत मोहोळ तालुक्यातील अजिंक्यराणा पाटील यांच्या ओबीसी प्रवर्गातून झालेल्या बिनविरोध निवडीवर सुरू असलेल्या चर्चेवर पालकमंत्री जयकुमार गोरे यांनी स्पष्टीकरण दिले.
एकाच घरातील एक उमेदवार खुल्या प्रवर्गातून, तर दुसरा ओबीसी प्रवर्गातून बिनविरोध निवडून आल्याने या निवडीवर प्रश्न उपस्थित केले जात आहेत. या पार्श्वभूमीवर पालकमंत्री जयकुमार गोरे यांनी आपली भूमिका स्पष्ट केली आहे.
ओबीसी प्रवर्गातून उमेदवारी मिळवण्यासाठी संबंधित उमेदवाराकडे ओबीसीचा दाखला असणे आवश्यक असून, दाखल्याशिवाय उमेदवारी मिळू शकली नसती, असे ते म्हणाले. ओबीसी प्रवर्गातून अपेक्षित संख्येने उमेदवारी अर्ज दाखल झाले नाहीत. त्यामुळे उपलब्ध पर्यायांमधून उमेदवाराला संधी द्यावी लागली, असेही गोरे यांनी स्पष्ट केले.






