सातखेड तालुका दक्षिण सोलापूर तसेच संपूर्ण सोलापूर जिल्ह्यातील तांड्यांच्या समस्या जाणून घेण्यासाठी आणि त्यांचे निराकरण करण्यासाठी व्यापक स्तरावर काम सुरू आहे. हे कार्य संदीप अण्णा राठोड आणि त्यांच्या संपूर्ण टीमकडून मुद्रा व जलसंधारण मंत्री संजय भाऊ राठोड साहेब यांच्या मार्गदर्शनाखाली आणि आदेशानुसार राबविले जात आहे.
बंजारा समाजाच्या सर्वांगीण विकासासाठी स्थापन करण्यात आलेल्या बंजारा विरासत संघाच्या माध्यमातून गावोगावी जाऊन जनजागृती केली जात आहे. संघटनेची नोंदणी, उद्दिष्टे आणि समाजहिताचे उपक्रम यांची माहिती गावकऱ्यांपर्यंत पोहोचविण्याचे महत्त्वपूर्ण काम सुरू आहे.
या दौऱ्यादरम्यान तांड्यातील नागरिकांशी थेट संवाद साधून त्यांच्या मूलभूत समस्या समजून घेतल्या जात आहेत. पिण्याचे पाणी, रस्ते, वीज, शिक्षण, आरोग्य सेवा, शासकीय योजनांचा लाभ आणि रोजगाराच्या संधी यांसारख्या अनेक विषयांवर चर्चा करून नागरिकांच्या अडचणींची नोंद केली जात आहे.
संदीप अण्णा राठोड आणि त्यांची टीम प्रत्येक तांड्यापर्यंत पोहोचून लोकांच्या समस्या शासनापर्यंत पोहोचविण्याचे आणि त्यावर प्रभावी उपाययोजना करण्याचे कार्य करत आहे. या उपक्रमामुळे बंजारा समाजात जागरूकता वाढत असून समाजाच्या विकासाला नवी दिशा मिळत आहे.
